دة توبيك هاتكلم و اشرح فية انواع و استايلات اغانى عمرو المختلفة الى بيقدمها فى البوماتة ..انا فتحت التوبيك دة بعد ما لاحظت عدد من الأعضاء بتفتح كل فترة موضوع جديد بتسئل عن نوع موسيقى معين لأغنية معينة فا حبيت اجمع انواع الموسيقى مع تعريفتها الى عمرو قدمها قبل كدة و هانزلهم على كذا موضوع كل موضوع بيضم البومين او ثلاثة و اتمنى انة يفيد اى عضو بيتسائل فى الجزئية دى
...........................
اولا انا هشرح انواع الموسيقى الى عمرو قدمها و الى هذكرها بس الأول هقوم بشرحها شرح مفصل لكل نوع
عمرو قدم العديد من انواع الموسيقى منهم الروك , الدانس , روك , كلاسيك و لاتين
و دى بعض التعريفات المفصلة لكل نوع منهم
Dance: هى الموسيقى الى بتجمع بين الهاوس و التكنو و البوب ميوزيك و بيتميز هذا النوع من الموسيقى بالأيقاع السريع و اللحن الغربى السريع و اغانى الدانس بتتميز عن غيرها من انواع الموسيقى ببساطة تنفيذها و جذب المستمع بعد الأنتهاء من تنفيذها بشكل كبير ملاحظ عن اى نوع اخر
امثلة -
روحى مرتحالك
ليلى نهارى
انت الغالى
دايماً فى بالى
خد قلبى معاة
الله لا يحرمنى منك
بتخبى لية
العالم الله
...........................
r&b: هى الموسيقى الى بتتميز بالطابع الموسيقى الهادىء من ايقاع هادى و خط جيتارات و وتريات كلاسيكية .. مع وجود لحن كلاسيكى هادىء بيساعد الموزع على القيام بتوزيع الأغنية فى شكل موسيقى ال r&b امثلة -
و فهمت عنيك
و مالو
خليك معايا
رحت الحبايب
قصاد عينى
بعد الليالى
صدقنى خلاص
بعترف
انا عايش
قلى الوداع
تقدر تتكلم
علمنى هواك
........................
Rock: هى موسيقى بتخلط بين الدانس و ايقاع الهاوس ميوزيك و تتميز بشكل مميز دائماً و هو وجود الأليكتريك جيتار فى توزيع هذا النوع الموسيقى و تتميز بالشكل الحماسى و و الالحان ذات الطابع الغربى السريع امثلة -
كمل كلامك
خلينى جنبك
الله لا يحرمنى منك (Dance & rock )
...............................
eastern music ( مقسوم ) : نوع بسيط يعرفة معظم مستمعين الأغانى و هو النوع الشرقى الأصيل للأغنية العربية و لا يخلى البوم عربى منه , بيتميز بالشكل الموسيقى الشرقى تماماً و يميزة وجود الالات الشرقية فية مثل الطبلة , الرق , القانون , العود و فى بعض الأوقات يختلط مع هذة الالات بعض الالات الغربية مثل الأليكتريك جيتار او الدرامز و يصاحب موسيقى المقسوم لحن شرقى كامل ( ربع تون ) و اشهر اغانى الهضبة تعتمد على النوع دة من الموسيقى
امثلة -
اعمل اية
لو كان يرضيك
كدة عينى عينك
و هى عاملة اية
كان طيب
معاك بجد
و حكايتك اية
تنسى وحدة
يدق الباب
كلهم
طول منا شايفك
.............................
Spanish/Latin: هى الموسيقى الأسبانية او اللاتينية و انواعها عديدة من كلاسيك و هاوس ميوزيك و تانجو و يتميز هذا النوع من الموسيقى بوجود الكلاسيك جيتار و الأيقاع سواء الهادىء او السريع و بناءاً على ايقاع الأغنية تتواجد صولوهات و كوردات الجيتار سريعة او هادئة امثلة -
اغيب اغيب
قدام عيونك
يا حبيبى لا
قلبى اختارك
تملى معاك
الا هى
...........................
و بكدة تم الأنتهاء من جزء بسيط من اغانى عمرو و انواعها و طبعاً انا كتبت تعريفات كل نوع لوحدة و ذكرت بعدها امثلة من الأغانى عشان يوضح لكل واحد كل اغنية فى انهى جزء و طبعاً ممكن بعض الأغانى تتواجد فى جزئين من القوالب الموسيقية المختلفة يعنى ممكن تكون روك و فى نفس الوقت دانس و هكذا , اتمنى يكون الشرح المبسك دة فاد الأعضاء و كل فترة على قد ما اقدر هاشرح اغنية شرح تفصيلى و شكراً
موضوع: أنواع موسيقى اغانى عمرو الجزء الأول 
الإثنين يوليو 21, 2008 1:55 pm
