موضوع: التفاصيل الكاملة لتعاقد عمرودياب وروتانا الأحد يوليو 06, 2008 9:19 am
السلام عليكم
27 يونيو - 2008 .. تاريخ لن ينساه عشاق عمرو دياب و عالم عمرو دياب الحقيقة إن البداية كانت مع دعوة خاصة جدا من الفنان عمرو دياب لإدارة موقع عالم عمرو دياب لحضور مؤتمر صحفي مميز أقامته شركة روتانا علي شرف الفنان عمرو دياب بمناسبة توقيع الفنان عمرو دياب لعقده الجديد مع شركة روتانا للصوتيات و المرئيات .. أعقب المؤتمر عشاء إعلامي مميز لكل الإعلاميين و أصدقاء عمرو دياب و حشد من الشعراء الكبار و النقاد إلي جانب فريق عالم عمرو دياب.
تفاصيل العقد المعلنة:
- العقد قيمته المادية لم تعلنها شركة روتانا و إن كانت مصادر مقربة من الإدارة الإعلامية لشركة روتانا أكدت إن العقد الجديد تجاوزت قيمته العشرة ملايين دولار! - مدته خمس سنوات - العقد يُلزم شركة روتانا بإنتاج كليبين علي الأقل لكل ألبوم - يحتوي العقد علي بنود تتيح لروتانا إنتاج أفلام - عالمية - للفنان عمرو دياب بميزانيات ضخمة جدا كما يتيح له الحرية الكاملة في التعاقد علي أي فيلم مع أي شركة إنتاج داخل مصر أو خارجها بدون الرجوع لروتانا.
تصريحات خاصة:
عمرو دياب كرر أكتر من مرة خلال اللقاءات الصحفية إن المرة دي هو بجد ناوي يرجع للسينما تاني و بقوة
برنامج مشوار عمرو دياب - سيذاع بإذن الله علي قنوات روتانا و هناك إحتمال كبير أن يعرض علي أكتر من قناة عربية.
عمرو دياب عمل الأتي معانا " وليد و كريم " .. طلعنا فوق في العشاء متأخر لأن أسماءنا كانت واقعة من الأمن تقريبا .. المهم الأستاذ الدكتور - حسام لطفي تدخل بالنيابة عن الفنان عمرو دياب و دعانا إلي حضور العشاء الخاص مع عمرو دياب .. المهم دخلت اسلم على عمرو ومن ورايا جاء كوكى بصله وضحك راح مميل علي كريم وقاله ارتبكت ليه انتا صح قام كريم بايس الهضبة بوسته وقاله ألف مبروك و ربنا يحفظك يا رب و يبارك لك .. و بعدين لقيته بيقرب و حط إيده علي كتفي و كتف كريم و ميل علينا كده لوحده و الله العظيم - كان حيغمي عليا ساعتهاو لقيته بيقولنا .. طمنوا الجمهور .. بلغوهم إن كل شروط العقد الجديد حتعمل لهم كل اللي همة عاوزينه .. متخفوش .. المهم كانت الدنيا زحمة جدا و كالعادة الإعلام قفز ليقطع اللحظة الجميلة دي و أضطرينا ننسحب عشان عمرو يقدر ياخد راحته في العشاء
تفاصيل المؤتمر بالكامل في ملف الصوت الملحق في أخر الموضوع و أعذرونا في جودة الصوت لأن الدنيا كانت دوشة جدا بس الصوت مسموع إلي حد كبير
إنفرادات عالم عمرو دياب
- كريم سأل سالم الهندي خلال المؤتمر الصحفي سؤال - حتلاقوا السؤال في الدقيقة 35 تقريبا .. الصوت واضح جدا و كريم كان صوته مرعوب و أتلخبط و وفضحنى أطمنوا - - و السؤال كان علي تسريب الألبوم و وجه ملحوظة لروتانا لزيادة الدعم الإعلامي للفنان عمرو دياب و في نهاية الكلمة ختمها برسالة بالنيابة عن جمهور عمرو دياب موجهة إلي الفنان عمرو دياب شخصيا
- مفيدة شيحة المذيعة المصرية المشهورة - برنامج سكوت حنغني تبادلنا معاها أطراف الحديث و هي الحقيقة شخصية لذيذة جدا و صرحت لنا تصريح خاص إنها أعتذرت مخصوص عن حلقة عمرو دياب الخاصة بجائزة الموسيقي العالمية لأنها جالها إيميلات كتير جدا من زوار و أعضاء الموقع !! و قالت لنا إنها حتعمل حلقة محصلتش مع دياب كمان شوية و حتتذاع بإذن الله في أقرب فرصة علي التليفزيون المصري و طلبت مننا إننا نسجلها و ننزلها في كل حتة لأنها بجد حتبقي حلقة جامدة جدا
- الشاعر الجميل قوي قوي قوي و معلم الشعراء العرب: بهاء الدين محمد كان لينا معاه فاصل من الكلام الجميل .. صرح لنا بتفاصيل عن الألبوم و حلفنا إننا مش حنقولها لحد و إحنا عند وعدنا و قسمنا بس بيوعدكم ب 6 قنابل من العيار الثقيل أوي أوي والمرة دى عمرو هيغنى حزين .. و أبدي إعجابه الشديد بموضوع كان شافه في المنتدي هنا من فترة عن تحليل أغنية قالت لي قول للعضوة - ليلي الموضوع أهو: http://www.adwforums.com/thread114810.html
و بلغنا إنه أتكلم مع عمرو علي الموضوع ده - بالذات - و أتناقشوا فيه في مرة
و صرح لنا إنه كان عاوز يدخل يشكرها بنفسه علي جمال التحليل و إنها بجد حللت الأغنية زي ما هوة حسها و يمكن كتبت حاجات هوة مقدرش يعبر عنها بالكلام وانه اتخض لوهله من الزمن وحس انه مش هو صاحب الاغنيه .. بس للأسف التسجيل كان مقفول و إحنا حنبعت له خلال ساعات عضوية شرفية و إن شاء الله ينورنا في أقرب فرصة
و علق الناقد الكبير - أشرف عبد المنعم و قال في وسط حديثنا مع الشاعر الجميل .. طبيعي يا بهاء إنها لازم تحللها بتميز .. إحساس الأنثي أعلي من الرجل بكثير شخصيات معروفة حضرت إلي جانب أصدقاء عمرو المقربين
- الشاعر بهاء الدين محمد - الشاعر مجدي النجار - الناقد الكبير أشرف عبد المنعم - شادي شامل - المغني - الصحفي: محمود معروف و كان له مع عمرو وقفة طويلة جانبية - نتوقع لقاء حصري لمجلة كلام الناس قريبا - شريف ضياء مدير أعمال عمرو دياب السابق - حمادة إسماعيل - صديق عمرو المقرب - الأستاذ عمرو عفيفي - رجل الأعمال المعروف - معظم المذيعات - روتانا أخبار و موسيقي و قناة الجرس و قناة النيل للمنوعات!
مشاكل
حصل مشكلة في دخول بعض أفراد الإعلام و أدي ذلك لإفتعال أكتر من مشكلة مع الأمن الذي كان في قمة إلتزامه بإخراج المؤتمر في أحسن صورة .. تحية لهم علي أداءهم لواجبهم بإخلاص و بإحترام.
تأخر دخول فريق إدارة عالم عمرو دياب لمشكلة غريبة حصلت و هي عدم كتابة أسماءنا في كشوف الضيوف بالرغم من إبلاغنا الدعوة مباشرة عن طريق الدكتور حسام لطفي إلا إن روتانا و أمنها منعونا و تدخل الدكتور حسام لطفي بشكل مباشر لحسم الأمر و دخلنا قبل بداية المؤتمر ثم حضرنا العشاء مع عمرو دياب و رجال الإعلام و أصدقاءه المقربين.
لقطات
عمرو تقريبا ما قعدش 5 دقائق علي بعض في العشاء .. يادوبك قعد دقائق بسيطة و قام قعد مع معظم الصحفيين المتواجدين علي تربيزة كل واحد بكل تواضع و تلقائية .. كان متألق كالعادة و زي السكر .. و له قفشات و تعليقات و ردود علي الصحفيين زي العسل
عمرو كالعادة كان حواليه زحمة قاتلة .. المهم إن فريق إدارة عالم عمرو دياب فشل فشل ذريع في الحصول علي صورة جماعية مع عمرو وبعدين لااقينا عمرو ماشي فسلمنا عليه تانى وكريم قاله ايه رائيك فى السؤال بتاعى لسالم الهندى قاله انتا فقاله طيب ممكن صورة بقي قاله بكل تواضع .. طبعا يا حبيبي .. قمت هووووب لقط الصورة و طبعا عمرو وكريم في الصورة باينيين.. مرهقين جدا جدا جدا !!
موضوع: التفاصيل الكاملة لتعاقد عمرودياب وروتانا 
الأحد يوليو 06, 2008 9:19 am
.. المهم كانت الدنيا زحمة جدا و كالعادة الإعلام قفز ليقطع اللحظة الجميلة دي و أضطرينا ننسحب عشان عمرو يقدر ياخد راحته في العشاء
- و السؤال كان علي تسريب الألبوم و وجه ملحوظة لروتانا لزيادة الدعم الإعلامي للفنان عمرو دياب و في نهاية الكلمة ختمها برسالة بالنيابة عن جمهور عمرو دياب موجهة إلي الفنان عمرو دياب شخصيا
