تقييم البوم تامر حسني

ده طبعا مش تقييمي انا شفت التقييم ده وانا اتصفح المنتديات وعجبني جدا لانه مقارب لرايي الافي بعض الاشيائ



قلبى اللى حبك
-----------------------
مكنش ده اللى احنا منتظرينه من تامر . الاغنيه عاديه وحاولت اسمعها اكتر من مره يمكن تجيب معايا ابدا بس اللى يشفعلها توزيعها للرائع تميم


قرب كمان


-----------------------
نقدر نقول عليها حلوه منك يا تامربس مش الافضل وكان فى احسن من كده بس فى ظل المستوى المتواضع للالبوم تعتبير من افضل الاغانى



اصعب احساس
-----------------------
الالحان تمام والاغنيه فكرتها حلوه واحساسها عالى جدا وكلماتها جميله برضه وتعتبر من الافضل

ايام زمان
------------------------
الكلمات والالحان حلوين والاحساس فيها من تامر جيد بس التوزيع تعبان وقديم ومفيهوش جديد وهو ده اللى وقع الاغنيه وخلاها عاديه ومش محسوسه

بكلمه نتصالح
-----------------------
الكلمات تعبانه واللحن كمان تعبان وتامر غناها كانه كده كان مستعجل وكان عايز يلخص مفيهاش احساس والتوزيع كمان مش كويس ومعروف يعنى من الاخر امسح الاغنيه دى من الالبوم

بعيد عن عينى
----------------------
الكلمات جميله واللحن جامد واحساس تامر عالى وحاسس انه بذل مجهود وهو بيغنيها لأنه ارتفع بطبقات صوته كتير وده عشان يعلى بالاغنيه التوزيع حسيته جديد يعنى من الاخر الاغنيه تمام

دايب
----------------------
براعة استهلال رائعه وده طبعا مرتبط بالتوزيع الجيد جدا للموزع نور واللى عامل شغل جامد فى بداية ومنتصف ونهاية الاغنيه وهو اللى رفع اللحن اللى انا شايفه عادى والكلمات ايضا عاديه

افتكرلى
----------------------
الاغنيه دى فكرتنى باغنية ارجعلى واغنية ميحرمنيش منك وعلى الرغم انها اقل منهم بس فى الحقيقه متكامله وحلوه بكل محتوياتها وتعتبر من افضل اغانى الالبوم

اسكتى
----------------------
بصراحه شديده مش كل كلمات تامر حلوه او متناسقه هو بيحاول يقرب من الناس وده شئ كويس بس ساعات بتهرب منه وكان ممكن يجمل فى الاغنيه شويه عن كده وعلى فكره كلمات الاغنيه دى من كتر ما بذل فيها مجهود عشان يرتب الكلام مع بعضه تحس انها طغت على اللحن وانك مش سامع اللحن خالص وده لانك بتحاول ترتب الكلام فى دماغك

قسمه ونصيب
-----------------------
مش عارف ليه اول ما سمعتها حسيت انى هاسمع اغنية يدق الباب لعمرو دياب بس بصراحه الاغنيه دى جامده جدا جدا كلماتها حلوه قوى ولحنها رائع وتوزيعها جامد جدا من المبدع دايما تميم وهى تانى افضل اغانى الالبوم

هى دى
-----------------------
بداية الاغنيه حلوه قوى والموسيقى جامده وحسيت كده انها روشه ولايقه على تامر وتنفع فعلا تشيل دعايا الفيلم وفيها تعبيرات جميله وتعتبر من افضل اغانى الالبوم

انا عن نفسي بكره الاغنية دي وبعتبرها من اسوء الاغاني اللي سمعتها في حياتي
متوصينيش
-----------------------
الاغنيه دى بقى محدش يزعل منى ملهاش اى لازمه ولا كلمات ولا الحان ولا توزيع كمان ومتنسوش بقى على سلة المحذوفات جرى وبصراحه كده انا مش عارف عاملهاعلى اساس ايه
ملحوظه : اسمعوا اغنية سميه اللى اسمها هاعيش بقى ولو لاحظتوا حاجه ابقوا اكتبوها فى الردود

روح قلبى
-----------------------
الاغنيه رقم واحد فى الالبوم وهى اللى خلتنى احمل الالبوم اساسا . احاسيس عاليه وكلمات هايله والالحان مش عايزه كلام يعنى من الاخر كلها على بعضها مفيش بعد كدهوكانت تستحق تبقى هيد الالبوم

يا تاعبنى
------------------------
حلوه الاغنيه ولحنها شقى كده ولذيذ وحساسه فى الكلمات متنوعه فى الاداء وجميله وممكن تكون من افضل الاغانى

---------------------------------------------

وفيما يلى ترتيب الاغانى من الافضل
-------------------------

الاولى : روح قلبى
الثانيه : قسمه ونصيب
الثالثه : هى دى _ قرب كمان _ اصعب احساس
الرابعه : يا تاعبنى _ افتكرلى _ بعيد عن عينى
الباقى : كله شبه بعضه بمستوى متواضع ومش فارقه بقى ترتيب
الاسوأ : متوصينيش

ياريت يا عمرو باشا تكتب تقيمك انت يهمنا ان احنا نعرف رايك
وراي انا الالبوم من اوحش البومات الصيف وفي البومات احلي منه كتير زي شذي وشرين وعمرو مصطفي ومحمد منير وناس كتير

منا يا ايمن قلت ان رايي الا حد ما متفق معاه وقلت الاغنية اللي مختلف معاه فيها اللي هي (هي دي) ده اولا
ثانيا
انا معنديش القدرة ان احلل كل اغنية بالطريقة دي من خيث الموسيقي واللحن والتوزيع
لاني اصلا مش ناقد للاغاني والحجات دي ليها ناسها زي حضرتك كدة اكيد يعني

الالبوم دا من احلي الالبومات اللى نزلت في الصيف

والالبومات التانية حلوة برضة

ايه يا ايمون انت مش عاجبك الشريط ولا ايه هو صحيح الشريط فيه كام اغنية حلوة زي روح قلبي _ قرب كمان _ هي دي _ اسكتي _ دايب وهي اجمدهم _ أفتكرلي

علي فكره يا NOR_ENY
الشرايط الحلوه مبختلفش عليها اتنين
ثانيا...المفروض يعني لو الشريط حلو بنقول الاغاني الوحشه اللي فيه يعني بيبقوا حوالي اغنيتين مش اكتر اما انتي اللوقتي بتطلعي الاغاني الحلوه حوالي 6 اغاني زي انتي ما بتقولي من 14 اغنيه عي كده بقي تامر بقي في وضح محرج جدا مع عشاقه
يبقي بصراحه كده بيظلم نفسه جامد جدا
شكراااااااااااا

بهدلتوا الجدع يا عينى
هو بيتهيألى ان مفيش أغناى حلوة فى شيطوا الا إفتكرلى
الباقى محولتش اصلا اسمعو

زى الزفت ياجماعة والله ياجدعان كلة يخش يعرف نفسة